Jung Studio — STEAM 夥伴

📖 呢個 AI 可以幫你做啲咩？

呢度唔係淨係「問功課抄答案」咁簡單。呢個 AI 係你嘅助手，可以幫你直接操作電腦做嘢——處理檔案、寫程式都得。睇吓佢有咩絕招 👇

基礎概念

一般嘅 AI 淨係識「答你問題」。但 Jung 係一個「智能助手」（AI Agent）——佢唔只識答，仲識親手幫你做嘢：寫程式、upload 落 micro:bit、整檔案、掃描硬件，全部都係佢自己動手做。

🗣 例子：「幫我將程式 upload 落 micro:bit」，佢會自己寫好＋直接上傳，唔使你手動搞。

係呀，Jung 有兩種記憶：
① 傾偈記憶（Session）——記住你哋今次傾緊咩，例如你話想整巴士牌，佢就一路記得呢個 project。
② 長期記憶——記住一啲長期嘅嘢，例如你嘅花名、你常用嘅硬件。

🗣 例子：你今次話「想整巴士牌」，下次再入嚟，佢仲記得你做緊呢個 project。

佢可以做啲咩

做功課唔識？問佢，佢會一步一步引導你諗，唔會直接俾答案你抄。有發明諗頭？同佢傾，佢陪你由「一個諗法」做到「一件成品」。

🗣 例子：「我諗緊整一個自動淋花器，應該點開始？」

想整 micro:bit 或者 Arduino 作品？叫佢幫你寫程式，佢會逐行解釋俾你明。寫好之後，將塊板用 USB 線插落電腦，AI 仲可以幫你直接 upload 落去塊板度。

🗣 例子：「幫我寫一個 micro:bit 溫度計程式，逐行解釋」

撳 📎 掣上傳 PDF、Word、Excel、PPT，佢幫你讀內容、分析、做總結。仲可以叫佢幫你整一份檔案直接下載，甚至轉格式（例如 PPT 轉 PDF）。

🗣 例子：「幫我整一份 Excel 記錄實驗數據」

撳 📷 掣影低唔識嘅嘢（例如一塊電路板、一個零件），上傳俾佢睇，佢幫你認。

🗣 例子：影低一個零件問「呢個係咩？」

設定

想用英文、簡體中文、日文問都得，撳 ⚙️ 設定揀咗就得。